Бишкектин Ротари клубу борбор калаанын өнүгүшү тууралуу
айтып берүүгө Бишкектин башкы архитектору Урмат Карыбаевди
тамактанууга чакырды. Архитектура жана курулуш темасында угуп
жана суроолорду берүү үчүн бизнес өкүлдөрү жана ири
компаниялардын жетекчилери келишти.
Бишкектин башкы архитектору чогулгандарга башкы план
кандай иштеп жатканын жана келечекте борбор калаада кандай оң
өзгөрүүлөр болорун түшүндүрдү. Мындан тышкары, Урмат
Карабаев конокторго инженердик инфраструктуранын өнүгүшү
жана курулуш компанияларынын жаңы, жакшы тенденциясы-
кварталдык курулуш тууралуу айтып берди. Ошондой эле
жолугушууда ири курулуш компаниясынын башчысы сөз сүйлөп,
сапаттуу турак-жай куруу боюнча ийгиликтүү тажрыйбасы
тууралуу айтып берди.
Белгилүү кыймылсыз мүлк чөйрөсүндөгү ревизор анын жаңы
конуштардын жашоочуларына көйгөйлөрүн чечүүдө жардам берген
ийгиликтүү долбоорлору жөнүндө презентация даярдаган.
Жолугушуу убактысы чектелгендиктен, Бишкектин башкы
архитектору кайрадан жолугушууга даяр экенин жана ишкананын
иши, Бишкекти өнүктүрүү боюнча пландары тууралуу кененирээк
айтып берээрин билдирди.